رقية الدّمسيرية في رائعتها أﮔادير

أيامارك ءوراك رزيمخ ءولا سلّمخاكْ

ءاكيين دلحب ءادانخ ءيكّيسن تيرام

ءولا صّاحت تمدا فلاّ لاح لّون

نكّي النّيت ءينو ءاي ءيهلكنلّي كاعمّرخ

ﻨﮕان رجا غ بنادم فكناخ ءيتلاس

ءﻴﺴﮕاسن ءاياد ءوضّرخ لييّام ءور نسّين

ءيس ءيلاّ غكاد لّي كيخ غاسّا غْ لحياةْ

نكّا كولّو تيميزار يات طرف نيات

كلّو مانيد نكّا سْ ءوضارنكّاتن سْ الفرح

ءازوند الهنا نْ ءوﮔادير ءور ءيلي الثّمن

ولاينّي تمازيرت ملا يوفي يان

ءاﮔيس ءيسكر تمازيرت نس ءارون ءارّاوْ

ءيكا سوس زوند لحج ءيغ يوفا يان المال

ءاسرس ءيسغ لمْلك ءﻴﮕن كولّو تيمطّاش

ءوكان ءيغز لعين ءيكن فلاّس لموتور

ءﻴﮕن الرجا غ ربّي ءايس ءيكمّل سْ الخير

ءوللّه ءامرادّ ءور الهمّ نّون ءاوينّاغ

ءاتيني زضراغ ءاد ءوتغ ءوكان ءاغاراس

ءاميد ءوشكيخ ءاميد ءوتخ ءوكان ءاغاراس

ءانيسّان مامّي كيد نفل ءاوينو غ ءوفوس

ءاوينو واحقّ ربّي ءيني سرسن تـّامنت

ءاتسانو تيني ﮔيس يان ءامر كيين

ءاركّانخ ءار ءيكيد ءيسمالا يان لملك

ءاريد ءيسمالا تيدّينك ءولا ءاوال نّون

ءاسبحان واليلاّه ءاكرا ءاوال نون

ءﻴﮕا زوند الرّباب ءيغ تن يوت ءوصنّاع

ءيكا زوند لّوز ءيغ ءيسلي ييلي تامّنت

ءازون ءيتّيارا غ ءﻴﮕـّي نْ تسانو سْ لقلْم ْ

ءورايكْن ءيسّريد ءنزار ءولا ءاصمّيد

رواح ءانمون نكّي ديك يان ءيران ءيمون

رواح ءانمون ءيتودرت نمون ءيسّوال

نمون ءيصّراط ءينّاغن توكيت ن سّاكويك

ءاداك نبنو تكاديرت ءامّاس نوامان

ءابرّانس ءاداس نك رّيال ءيلان ءافوس

ءاﮔنس نسْ ءاداس ﻨﮓ لحرير نْ توكايين

ءاويي سدارون ءيغ ءور ترضيت ءاكّ ءاويخ

ءداك ﻨﮓ تاويّا غ ْ ءونوال ءيما توروت

ءاداك نتّاسي مادارك ءيلاّن  نورّاوْ

ءادّء ءوكان تنّيتْ مباركا سْ نيّخْ نعامْ

ءاتنّا ءورنصوّيب نشّ فلاّس ءاكوراي

ءيمربّا سْ يان ءيتّازّالن لفيراق نّاخ

ءاتن ﮔين غ ءوسافوكين وامان ءاسفار

ءامار ءيبنان ءاكادير سْ ءيمشظ نْ تامّنت

ءيكاسن تيكجدا دْ ءوسغار نكْ ءارّيحان   

ءﻴﮕاس ءاكفاف ءيبنصرتءارتلوح ءامان

تيفلوينْ تين جاج لقفول نْ نقّرط

تساروت ن ْ ذّهاب ءيفيلي وين لمْلْفْ

ءوكان ءيفكاك ءابابْ نْ نظرافات تساروت

ءيمربّا سْ تسا ياكّوكن تايّاض ءاتيغارْ

ءاكولّو نك البروض ءيضر ءوسافو فلاّسْ . /