ⵉⵍⵍⴰⴷ ⵓⵔⵛⴰⵛ ⵏ ⵡⴰⴹⵓ ............. Groupe ARCHACH 1984

ⵉⵍⵍⴰⴷ ⵓⵔⵛⴰⵛ ⵏ ⵡⴰⴹⵓ ⵉⵙⴰⵔ ⵉⵙⵏⵅⵉⵍⵉⴼ

ⵉⵖ ⵉⵙⵓ ⵢⴰⵜ ⵜⵙⴳⴰ ⵖ ⵉⴳⵔⴰⵏ ⵉⴼⵍ ⵜⴰⵢⵢⴰⴹ

ⵜⵓⵜ ⴰⵅ ⵏⵏⵎⵍⵜ ⵉⴳⵉⴷⴰⵔ ⴳⴰⵏ ⴰⴽⵯ ⵉⵖⴰⵙⴰⵏ

ⵜⴰⵙⵢⵓⵜ ⵏⵙⵏ ⵜⵏⵙⵔⴷ ⴰⵚⵖⴰⵔ ⵉⴽⴽⴰ ⵜⴰⵙⵓⵜ

ⵉⵏⵏⴰ ⴷ ⵓⵔ ⵉⵜⵜⴽⴽ ⵓⴹⴰⵔ ⴽⵉⵖ ⵉⵏⵏⴰ ⵡⴰⵎⴰⵏ

ⴷⴰⴷ ⵉⵟⵟⴰⵔ ⵍⵎⵉⵣⴰⴱ ⵉⴼⴽ ⴰⵎⴰⵏ ⵉⵙⵙⵉⵔⵉⵜ

ⵉⴹⵔⴷ ⵓⵣⵕⵓ ⴼ ⴽⵯⵕⴰⴹ ⵉⵙⴽⵔ ⵍⵅⵍⴰ ⵡⴰⵢⵢⴰⴹ

ⵉⴳⵉⴷⵉ ⵓⵔ ⵉⴳⵉ ⴱⴰⴱ ⵍⵅⵉⵔ ⵓⵍⴰ ⴼⴼⴰⵖⵏⵜ



ⴰⵔ ⵏⵙⴽⴰⵔ ⵖ ⵡⴰⵡⵍ ⵉⵎⵉⴽⴽ ⴰⵜⵜ ⵢⴰⵎⵓ ⴳⵔⴰⵜⵏⵅ

ⴰⵔ ⵏⵙⵎⵓⵏ ⵢⵢⴰⵀⵓ ⴷ ⵉⵡⴰⵍⵉⵡⵏ ⴰⴷⴷ ⵓⵔ ⴱⴰⵢⵢⵏⵏ

ⵢⴰⵙⵉⴷ ⴱⴰⴱ ⵏ ⵡⴰⵍⵉⵎ ⴰⵥⴰⵥⵓ ⵏⵄⴰⵡⵏⵜ ⵖ ⵉⵎⵉⴽⴽ

ⵡⴰ ⴽⵓⵏ ⴷⵢⴰⵏ ⴷ ⵎⴽⵏⵏⴰ ⴳⴰⵏ ⵉⵏⴰⵢⴽ ⵏⵉⵜ ⵉⵄⴷⵍ ⵙⵔⵙ

ⵉⵏⴰⵢⴽ ⵏⵉⵜ ⵉⵄⴷⵍ ⵎⵇⴰⵔ ⴰⵜ ⵉⵙⴽⵍⵍⴰⴱ ⵡⴰⵙⵉⴼ



ⵍⵍⵉⵖ ⵉⵔⵎⵉ ⵡⴰⴼⵓⴷ ⵉ ⵙⵙⵡⴰⵔⵉ ⵍⵍⵉ ⵢⵓⵙⵉⵏ

ⴰⴷⴷ ⵉⵎⵓⵙⵙ ⵡⴰⴽⴰⵍ ⵉⴹⴰⵔⵏ ⵉⵏⵓ ⴰⵜⵜⵏ ⵢⵓⴼⴰⵏ

ⵉⵙⴰⵡⵍ ⵓⵖⵕⴰⴱ ⵍⵍⵉ ⵊⵊⵓⵏ ⵓⵡⵔ ⵉⵙⴰⵡⵍ ⵉⵏⵏⴰⵅ

ⴷⴰ ⵜⵜⵎⴽⵯⵥⴰⵣⵏⵜ ⵜⵖⵕⴰⴹ ⵏⵙⵡⴰⵔⵉ ⵍⵍⵉ ⵢⵓⵙⵉⵏ

ⵕⵓⵃⴰⵏ ⵉⴽⴼⴰⴼⵏ ⵏ ⵉⴳⴳⵉ ⵓⵔ ⵓⵙⵉⵏ ⴰⵙⴰⵜⵓⵔ



ⴰⵔ ⵏⵙⵡⴰⴹ ⵉⵡⴰⵎⴰⵏ ⵏⵏⵉⵅ ⵉⵙⵔⴰ ⵏⵎⴹⵉ ⴰⵜⴰⵢ

ⵙⵓⵏⵜⵏ ⵡⵉⵢⵢⴰⴹ ⴰⵡⵉⵅ ⵏⴽⴽⵉ ⵉⵏⴹⴳⵯⴳⵯⵉⴳⵏ ⵓⴽⴰⵏ

ⵡⴰⵏⵏⴰ ⵉⵙⵓⵇⵏ ⴳⵉⵏ ⵉⵡⴰⵙⴰⵢ ⵏⵙ ⵉⵎⵉⴽⴽ ⴹⵓⴼⵏⵜ

ⴰⴷ ⵓⵔ ⵢⴰⵙⵙⵉ ⵎⴰⵔⴰⵙ ⵉⵟⵟⴰⵔ ⵍⵄⵡⴰⵏ ⵉⴳⴳⵣ ⴰⴽⴰⵍ

ⵜⵓⵜⴰⵅ ⵏⵏⵎⵍⵜ ⵉⴼⵔⴹⵏ ⴼⴼⵖⵏ ⴽⵓⵍⵍⵓ ⵡⴰⵎⴰⵏ

ⴰⵢⵍⵍⵉ ⴷ ⴳⵉⵙⵏ ⵢⴰⴳⵓⵔⵏ ⵉⵙⵓⵜⵏ ⵡⴰⴽⴰⵍ

ⵍⴰⵎⵉⵏ ⵉⴼⴼⵖ ⴰⵃⴰⵏⵓ ⴳⵉⵏⵜ ⵉⵡⵉⵢⵢⴰ ⵖ ⵓⴼⵓⵙ

ⵏⵏⵉⵅⴰⵙ ⴽⴰ ⵍⵍⵉ ⴳⴰⴱⵍⵜⵏ ⵉⵔⵉⵏ ⴰⵜⵜ ⴰⵡⵉⵏ

ⵜⵍⴽⵎ ⵍⵓⵇⵜ ⵏ ⵍⵃⵙⴰⴱ ⴰⵢⴼⵇⵇⵉⵔⵏ ⵜⵔⵎⵉⵎ

ⴰⵣⵎⵣ ⵏ ⵛⴱⴰⴱ ⴰⵢⴰⴷ ⵉⵍⴽⵎⵏ ⴰⵜⵜⵏ ⵡⵓⵍⵓⵏ



ⵜⴰⴳⵍⵣⵉⵎⵜ ⵎⵥⵥⵉⵢⵏ ⴷⴰ ⵙⵏⴰⵢⵏⵜ ⵜⴰⵛⴰⵇⵇⵕⵜ

ⵜⵉⵎⵥⴳⵉ ⵏ ⵍⵄⴰⵇⵍ ⴽⴰ ⴷ ⵓⵔ ⵜⵍⵍⵉⵜ ⴰⵜⵜⴰⵡⵉⵍ

ⵉⵔⵓⵔ ⵓⵅⵏⵉⴼ ⵉⵡⵔⵣⴰⵏ ⵜⴰⵙⴰⵡⵏⵜ ⵉⵔⴰⵔ

ⴰⵇⵇⵕⵎⵓⵏ ⴷⴰⵔ ⵉⵡⵔⵣⴰⵏ ⵙⵓⵏ ⵓⴽⴰⵏ ⵉⵡⵏⵏ

ⵉⵚⴰⵃⴰⵏⵅ ⴰⵃⵃ ⵉⵔⴰ ⴷⴰⵏⵅ ⵉⵙⵙⵉⴼⴼ ⵓⵚⵎⵎⵉⴹ

ⵏⴽⴽⵉ ⵜⴰⵡⵍⴰ ⴰⵏⴽⵯⵚⵓⴹ ⴰⵢⵙⵏⴳ ⵙⵍⴰⵖ ⵏⴽⴽⵉⵏ

ⵉⵎⵎⴰ ⵏⵛⵔⴽ ⵓⴷⵎ ⵉⵖ ⴰⵔⵓⴷⵏ ⵏⵛⵔⴽⵜⵏ ⵉⵖ ⵔⴽⴰⵏ

ⵡⴰ ⴼⵔⴳⴰⴷ ⴽⴰ ⴰⵏ ⵏⴼⴼⵔⴳ ⴰⵔⴷ ⵉⴼⵔⴳ ⵓⵖⴰⵔⴰⵙ

                                                                                             ⵜⴰⵔⴰⴱⴱⵓⵜ ⵏ ⵡⴰⵔⵛⴰⵛ 1984